Foydalanish Shartlari

1. Umumiy qoidalar

Ushbu hujjat "Tunl.uz" servisi (keyingi o‘rinlarda "Platforma") va foydalanuvchi o‘rtasidagi shartnoma hisoblanadi. Platformadan foydalanish orqali siz ushbu shartlarga to‘liq rozilik bildirasiz.

2. Taqiqlangan faoliyat turlari

Platformadan quyidagi maqsadlarda foydalanish qat'iyan man etiladi:

• Phishing (Firibgarlik): Bank kartalari, parollar va shaxsiy ma'lumotlarni o‘g‘irlashga qaratilgan soxta saytlar yaratish.
• Zararli dasturlar: Viruslar, troyanlar va boshqa zararli kodlarni tarqatish.
• Noqonuniy kontent: O‘zbekiston Respublikasi qonunchiligiga zid bo‘lgan har qanday ma’lumotlarni joylashtirish.
• Spam: Ommaviy reklama xabarlarini tarqatish.

3. Javobgarlikni rad etish

Platforma faqat ma'lumotlar uzatish vositasi ("Tunnel") hisoblanadi. Foydalanuvchi yaratgan subdomenlar va ular orqali uzatilayotgan ma'lumotlar uchun to‘liq javobgarlik Foydalanuvchi zimmasidadir. Ma'muriyat uchinchi shaxslar tomonidan yetkazilgan zarar uchun javobgar emas.

4. Xizmatni to‘xtatish

Ma'muriyat ushbu qoidalarni buzgan foydalanuvchilarning hisobini va tunnellarini ogohlantirishsiz bloklash huquqini o‘zida saqlab qoladi.

5. To‘lovlar va Qaytarish

"Pro" tariflari uchun qilingan to‘lovlar server resurslarini band qilish uchun yo‘naltiriladi va qoida tariqasida qaytarilmaydi (xizmat sifati buzilgan hollar mustasno).